Մաթեմատիկա: 9-րդ դասարանի 2020-2021 ուս. տարվա առարկայական ծրագիր

 Ավագ դպրոցի 9-րդ դասարանի «Մաթեմատիկա» առարկայի ծրագիրը կազմվել է հիմք ընդունելով «Կրթության մասին», «Հանրակրթության մասին» ՀՀ օրենքները,  Հանրակրթության պետական չափորոշիչի  և «Մխիթար Սեբաստացի» կրթահամալիրում  առարկայական ծրագրերի մշակման ներկայացվող պահանջները:

Ուսումնական միջավայր, անհրաժեշտ գործիքներ.

Առարկայի ուսումանսիրությունը իրականացվում է սովորաբար ուսումնական կաբինետում, որտեղ անհրաժեշտ է, որ առկա լինի, գրատախտակ, էլեկտրոնային գրատախտակ կամ արտապատկերիչ սարք, առարկայի ուսումնասիրությանը անհրաժեշտ գրականություն՝ տպագիր կամ էլեկտրոնային, համակարգիչ՝ միացված համացանցին:

Խմբայի կամ անհատական աշխատանքների իրականացման համար անհրաժեշտ է, որ դասավանդողը և սովորողները ունենան անհատական մեդիագործիքներ՝ նոթբուք, նեթբուք կամ պլանշետ, ինչպես նաև էլեկտրոնային կրիչներ:

Գնահատման կարգ

Հիմք ընդունելով Ավագ դպրոց վարժարանում գնահատման կարգը, դասավանդողին և սովորողին ներկայացվող պահանջները՝ առարկայական ուսումնասիրությունների արդյունքների հարթակ ծառայում է դասավանդողի և սովորողների անհատական ուսումնական բլոգերը: Գնահատումը կատարվում է դասավանդողի կողմից հիմք ընդունելով 1) ուսումնական կաբինետում, առցանց և լրացուցիցչ, նախագծային աշխատանքները , 2) սովորողի ուսումնական բլոգում տեղադրված աշխատանքները, 3) ամենամսյա, կիսամյակային ստուգման արդյունքները, 4) ամենամսյա մաթեմատիկական ֆլեշմոբերի մասնակցությունը և արդյունքները, 5) առարկայական օլիմպիադաների մասնակցությունը և արդյունքները: Գնահատումը իրականացվում է 0-10 բալային համակարգով:

Նպատակը

Առարկայի ուսումնասիրությունը հնարավորություն է տալիս սովորողին.

·                     տիրապետել  մաթեմատիկական հասկացությունների եւ հմտություններ համակարգին , որոնք անհրաժեշտ են կիրառել գործնականում, հարակից առարկաների ուսումնասիրության և շարունակական կրթության համար,

·                     զարգացնել մտավոր  կարողություններ և ձեւավորել  անհատականության որակներ, որոնք անհրաժեշտ են անհատին ժամանակակից հասարակությանը ներգրավվելու համար. մտքի հստակություն և ճշգրտություն, վերլուծական և տրամաբանական մտածողություն, տարածական ընկալում, դժվարությունների հաղթահարման հմտություններ և այլն,

·                     ձեւավորել պատկերացում մաթեմատիկական հասկացությունների և մեթոդների՝ որպես գիտության և տեխնիկայի ուսումնասիրության համընդհանուր լեզվի, ինչպես նաև որպես երևույթների և գործընթացների համակարգման միջոց,

·                     համակարգչային ծրագրերից օգտվելու հմտություններ.խնդիրներ լուծելիս՝ վերլուծական մտածողությունը դրսևորելուն, հնարավոր իրավիճակները գնահատելուն և օպտիմալ լուծումներ գտնելուն,  տեղեկատվական մոդելներ կառուցելուն և գնահատելուն,  տեղեկատվության արդյունավետ և օպտիմալ որոնմանը,  կուտակմանը, պահպանմանը և ներկայացմանը, տեղեկատվական օբյեկտների և մոդելների հետ հմտորեն աշխատելուն:

Ծրագրային նյութի յուրացման կազմակերպումը.

Ծրագրային նյութի յուրացումը կազմակերպվում է թեմատիկ նախագծային աշխատանքների իրականացմամբ, որը ներկայացնում է դասավանդողը՝ հստակ նշված իրականացման մեկնարկն ու ավարտը, առաջադրված խնդիրներն ու պահանջները, նախագծային առաջադրանքի իրականցման գործիքներն ու ծրագրերը, անհրաժեշտ գրականության ցանկը, նախագծի արդյունքի հրապարակման կարգը և եղանակները, նախագծի  գնահատման սկզբունքները:

Ուսումնասիրվող թեմաներ

Հանրահաշվի բաղադրիչ

Բնական թվեր


Թվային բազմություններ

• Ենթաբազմություններ
• Բազմությունների միավորում
• Բազմությունների հատում
• Բազմությունների հանում

Թվային արտահայտություններ

• Թվային բազմություններ,
• Թվային արտահայտություններ

Արտահայտությունների ձևափոխություն և արժեքի հաշվում

• Հանրահաշվական արտահայտություններ,
• Նույնական ձևափոխություններ,

Հավասարումներ

• Գծային հավասարումներ,
• x^n=a տեսքի հավասարումներ,
• Քառակուսային հավասարումներ,
• Ռացիոնալ հավասարումներ

Անհավասարումներ

• Գծային հավասարումեր,
• Քառակուսային անհավասարումներ,
• Ռացիոնալ անհավասարումներ

Տեքստային խնդիրներ

• Տոկոսային առնչություններ,
• Լուծույթներ, խառնուրդներ, համաձուլվածքներ
• Հեռավորություն, արագություն, ժամանակ
• Համատեղ աշխատանք

Հաջորդականություններ

• տեղափոխություններ,
• զուգորդություններ,
• կարգավորումներ,
• թվաբանական պրոգրեսիա,
• երկրաչափական պրոգրեսիա,

Պատահույթ, պատահույթի հավանականություն

Երկրաչափության բաղադրիչ

Հարթաչափություն

• Հարթություն, կետ, ուղիղ, հատված, ճառագայթ, անկյուն
• Կից անկյուններ,
• Հակադիր անկյուններ,
• Անկյան կիսորդ: Հատվածի միջնուղղահայացը:
• Երկու ուղիղների զուգահեռության երեք հայտանիշները
• Թալեսի թեորեմը

Եռանկյուն

• Բազմանկյուններ
• Եռանկյուն

Տարածաչափություն