Ֆունկցիա

 Նախագծի նպատակը:

Նախագծի հիմնական նպատակն է վերանայել, վերագնահատել, խորացնել գիտելիքները հիմնական դպրոցում «Ֆունկցիա» թեմային առնչվող ուսումնասիրված հասկացությունները, սահմանել թվային ֆունկցիան և ուսումնասիրել դրան առնչվող հասկացությունները ստորև ներկայացված թեմատիկ նկարագրի: Նախագծի իրականացման ընթացքում գործավում են բացառապես մեդիագործիքներ, geogebra և walframalfam ծրագրերով՝ ինչը հնարավորություն կտա սովորողներին առավել պատկերավոր և դիտակտիկ դարձնել ուսումնասիրվող հասկացությունները։ Նախագծի նպատակներից է նաև այլոց համար ստեղծել մեդիափաթեթի տեսքով օժանդակ բովանդակություն՝ թեմատիկ նկարագրում ներկայացված թեմաների ուսումնասիրման ժամանակ:

Թեմատիկ նկարագիր:

• Տարրական ֆունկցիաներ (Կրկնուություն)
• Թվային ֆունկցիա
• Ֆունկցիայի գրաֆիկը
• Գոծողություններ ֆունկցիաների հետ
• Կոտորակագծային ֆունկցիա
• Սահմանափակ ֆունկցիաներ
• Ֆունկցիայի մեծագույն և փոքրագույն արժեքներ
• Պարբերական ֆունկցիա
• Զույգ և կենտ ֆունկցիաներ
• Մոնոտոնության միջակայքեր
• Էքստրեմումներ
• Ֆունկցիայի հետազոտում և գրաֆիկի կառուցում
• Հակադարձ ֆունկցիայի գրաֆիկը

Նախագծի քայլաշարը:

• դասավանդողը ներկայացնում է թեմատիկ նկարագրում բերված թեմաները, 
• կազմում և սովորողներին է տրամադրում անհատական առաջադրանքների փաթեթները
• դասավանդողը սովորողներին ներկայացնում է անհատական առաջադրանքների կատարման ձևաչափը և ընթացքում հետևում դրանց կատարման ընթացքին,
• սովորողը ծանոթանում և տիրապետում է թեմատիկ նկարագրում բերված հասկացություններին
• սովորողը ստանում է անհատական առաջադրանքները և դասավանդողի ներկայացված ձևաչափով կատարում դրանք
• դասավանդողը ստանում է կատարված առաջադրանքները, ստուգում և անհրաժեշտության դեպքում կատարում ցուցումներ,
• դասավանդողը գնահատում է կատարված աշխատանքը,
• դասավանդողի ուսումնական բլոգում ներկայացվում են նախագծի մասնակից սովորողների կատարած աշխատանքների հղումները, 
• դասավանդողը կրթահամալիրի Ավագ դպրոցի ենթակայքում տեղադրվում են սովորողների կատարած աշխատանքները՝ որպես ուսումնական մեդիափաթեթ,
• կատարվում է նախագծի ընթացքի ու արդյունքների ամփոփում:

Առաջադրանքների կատարման ընթացքն ու ձևաչափը:

• սովորողը ուսումնական բլոգի մաթեմատիկա բաժնում տեղադրում է նախագծի հղումը,
• ստանում է առաջադրանքները և ծանոթանում դրանց հետ, հարցերի դեպքում դիմում դասավանդողին,
• առաջադրանքներին առնչվող պատկերները կատարում է Geogebra և walframalfam ծրագրերից մեկի միջոցով և որպես նկար արտածում word ֆայլ,
• word -ում ներբեռնված պատկերի ներքո սովորողը ներկայացնում է խնդրի լուծումը,
• ավարտելով առաջադրանքների կատարումը սովորողը ուղարկում է  դասավանդողին ստուգման  a.eranosyan@mskh.am էլ․ հասցեով,
• եթե դասավանդողը ներկայացնում է առաջարկություններ և դիտողություններ, ապա սովորողը դրանց հիման վրա կատարում է շտկումներ և կրկրին ուղարկում դասավանդողին,
• դասավանդողը ստուգում է աշխատանքը և սովորողին ուղարկում բլոգում հրապարակվելիք նյութը,
• սովորողը ստեղծում է «Նախագծին առնչվող առաջադրանքներ» վերնագրով նյութ և հրապարակում դասավանդողի կողմից ստուգված կատարված առաջադրանքների փաթեթը: